SINO BA ANG GUSTO MONG MAGING PRESIDENTE?

Kung si Senador Dick Gordon ang ating tatanongin ay tanging mga Pilipino daw ang talunan kapag nanalo si Senador Noynoy Aquino sa pagkapresidente ng ating bansa. Wow, mabigat na paratang yata iyan ha Senador Dick? E kasi naman,  ipagkakatiwala mo ba ang iyong boto sa isang kandidato ng pagkapangulo na wala man lang karanasan? Anong klaseng pamumuno ang mayroon siya? Ano na lang ang mangyayari sa ating bansa?

Ito pa ang banat ni Senator Richard Gordon kay Senador Noynoy Aquino na namamayagpag sa mga pre-election surveys: He “will be co-opted totally. He cannot even answer simple questions.” Ano ang ibig sabihin ng kagalang-galang na senador, mahina ba ang brains nitong LP presidential bet na nakakasiguro na ng panalo pagkatapos siyang iyendorso ng INC?  At may gusto daw siyang itanong pa kay Senador Noynoy Aquino: “Have you ever taken drugs? Have you undergone psychiatric treatment or consultation?” Ha, ibig  niyang sabihin may history of drug abuse itong si Senador Noynoy Aquino at emotional and mental instability? Naman, siya pa ang napipisil ng karamihan daw sa mga Pilipinong botante ngayon. Kung totoo man ang kanyang paratang (kung masasabi ngang paratang ito) ay, Banong Capalaran kapatid anong naghihintay na kinabukasan ang mayroon ang ating bansa sa kamay ng ganitong pinuno? Nagtatanong lang po at  hindi nanghuhusga.

Teka lang kapatid, kung talagang ayaw ng mga tao kay Noynoy dahil sinasabi nilang “abnoy” siya at unfit for the presidency, bakit sangkaterban ang mga bomoboto sa kanya sa mga surveys? Siguro inggit lang ang mga kalaban niya ano at di sila makahabol pa sa kanya sa mga surveys. Pero mga surveys nga ba ang nagpapanalo sa isang kumakandidato sa pagka-presidente? Aba, ay hindi, sabi ni Banong Capalaran na aking kaibigan. Gawa-gawa lang daw ito ng mga propagandista upang magkaroon ng trending at mapaniwala ang mga tao na ang buong bansa ay sumusuporta nga sa kandidatora ni Senador Noynoy Aquino. Kasi, sabi ni Senador Gordon mga kamag-anak at kaalyado daw ni Senador Noynoy Aquino ang nasa likuran ng mga surveys na ito. Aha, may kinalaman ba dito ang Kamag-anak incorporated, etc.? Hehe, sino kaya ang makakasagot niyan? Pero makinig ka sa sasabihing ito ni Senador Dick, “surveys created a bandwagon effect, influencing voters to back candidates based on popularity.” Ala e, si Senador Gordon naman nagsabi pa ng totoo. Dick talaga, oo!

Sino ba talaga ang gusto mong maging presidente? Aba e, doon sa maka-Diyos, makatao,  malinis at walang bahid,  makatarungan, at magaling? E sino nga ba sa kanilang lahat ang nagtataglay nito.

Kung si Senator Manny Villar ang tatanongin ay hindi raw si Senador Noynoy ito.  Sa sinasabi nilang pagka maka-Diyos niya ay hindi naman daw totoo.  “Ako’y tinatanong, ano raw kaibahan naming halimbawa ni Noynoy? Si Noynoy daw ay maka-Diyos, e alam ko naman ho pinagtatawanan niya ang nanay niya e. Simba ng simba. Sa atin lang ho naman yan.”

Teka, iyong walang bahid, ano naman kaya ang masasabi dito ni Senador Manny Villar? “Number one, Diyos lang ang walang bahid. Pangalawa, talaga namang malamang konti lang ang bahid mo dahil wala ka ngang nagagawa.” Ayun, kaya pala walang bahid ang iba dahil wala silang nagagawa. Nagagawang magagandang bagay para sa kabutihan ng mga tao at bayan, hindi iyong wang ginagawang kalokohan.

Sandali lang mga katropa, okay lang ba sa inyo kung ang iboboto ninyo sa pagkapangulo ay chain-smoker? Doon ba sa three packs na yosing sinusunog ng isang kandidato sa pagka-presidente ay nakakabuti sa kanya at sa mga taong nasa kanyang kapaligiran? I don’t want to be a victim of second hand cigarette smoke for sure. Pero sabi ni Senador Noynoy mabuti na iyan kay sa nangungurakot ka sa bayan, di ba Senador Manny Villar?

How about  playing games okay lang ba sa inyo na mahilig mag-PSP ang susunod nating presidente? Aba magandang endorser iyang presidente sa mga produkto ng PSP. Biro mo magiging famous ang ating bansa because we have a PSP playing president in the country? Did somebody say addict sa PSP? Nagbibiro lang, haha.

Tatlong araw na lang ay botohan na. Dito natin masusukat kung ang mga taong nanliligaw sa atin upang iboto sila sa pagka-pangulo ng Pilipinas ay karapat-dapat ihalal. Hindi sa survey, hindi sa sinasabi ng iba ang batayan kundi ang ating mga puso at konsensiya. Alalahanin natin mga kapatid, anim na taon tayong nasa ilalim na naman ng kanilang mga kapangyarihan. Maari tayong sumulong, maari tayong mapag-iwanan ng mga ibang bansang mas mahirap pa sa atin.

Sa akin lang, hindi pulitiko ang aking pinapakinggang dahil parepareho lang naman ang kanilang mga sinasabi. Pero pinagaaralan ko ng mabuti ang mga katangian, karanasan, at katapatan ng mga pulitikong ito na maglingkud sa bayan na may pananagutan at takot sa Diyos. Wala sa kulay at papolaridad ang aking presidente, kundi sa talino, prinsipyo at gawa.

Vote Wisely !